Home News & Updates Eng nge Corban Society Society Thil tumte Rules and Regulations Memorandum of Corban Society Organisation Structure Corban Finance - Rate of Interest List of Members Member nihdan List of Collectors Photo Contact

Rules and regulation(mizo)

CONSTITUTION OF CORBAN SOCIETY

 

Article 1          :           Society hming  :

Society hming chu ‘CORBAN SOCIETY’ a ni ang.

 

Article 2          :           Society Headquarters:

Society Headquarters chu Aizawlah emaw Society meeting lianin rem atih chuan Mizoram hmun dangah a tul dan angin dah theih a ni ang.

 

Article 3          :           Membership:

Mi tupawh CORBAN Society thil tuma chiang leh a inkaihhruaina dante zawm theite chu, a hnuai a mi ang hian membership fee pein society member an ni thei ang. Membership fee te hi a tul dan angin Board Meeting-in ennawnin a siam danglam thei ang.  Sawrkar hnathawk te chuan a tul dan angin thuneitute hriatpuina an la tur a ni ang. Board Committee chuan member a tana tha lo nia a hriat te chu a hnar thei ang.

 

Article 4          :           Membership Fee:

  1. Patron member ?        2500/-
  2. Life member ?        1000/-
  3. Annual member ?          200/- per annum
    • Fee pek tawh chu lak kir leh theih a ni lo ang.
    • Founder Director te chu permanent member an ni ang.

 

Article 5          :           Termination of Membership:

A hnuai a mi ang hian society member nihna a ta thlawn leh     ban theih a ni ang:

  1. Mahni duh thu ngeia tawngka emaw ziaka thuneitute hnena thlenin;
  2. Society inkaihhruaina dante bawhchhiat leh palzut a nihin;
  3. A nungchang leh khawsa ziate society hmasawn zelna a tana hnawksak leh hlauhawm nia hriat a nihin.
  4. Thihna a vangin.

 

Article 6          :           Re-Admission:

Society inkaihhruaina dan anga mi tupawh ban an nih hnu a Society member nih a duh leh a nih chuan, Board Committee remtihna chauh a lakluh leh theih a ni ang.

 

 Article 7          :           Register of members and facilities:

Society chuan a memberte record kimchang fel takin a vawng ang a, Society an zawm ni leh thla te leh an ban ni thlengin fel takin a chhinchhiah thin ang.

 

Article 8         :           General Body/Assembly defined:

Society member zawng zawng te chu General Body siamtu leh Assembly member an ni nghal ang.

 

Article 9         :           General Assembly:

  • (a) Society member zawng zawngte huapin General Assembly neih thin a ni ang;

(b) Kum khatah vawi khat tal General Assembly neih thin tur a ni ang;

(c) Thu harsa bik leh hmanhmawh thlak bik, Board meeting levela chin fel mai remlo chi a awm a nih chuan, General Secretary-in a tul dan angin Society General Meeting a ko thei ang;

(d) Society General Assembly chu Chairman kaihhruaina hnuaiah neih thin a ni ang a, Board of directors thlan leh ruat chungchang chu Founder Director kaihhruainain neih thin a ni ang.

(e) Thutlukna siam kawngah kal khawm.member tam zawkte ngaih dan chu lak thin tur a ni ang.

  • Quorum:

Chairman kaihhruaina hnuaiah member kal khawm ten meeting neih theih a ni an tih chuan General Meeting neih a ni ang.

Chairman kaihhruaina hnuaiah member kal khawm ten meeting neih theih a ni an tih chuan General Meeting neih a ni ang.

  • Powers and Functions:

General Assembly chu Society Rorelna sang ber a ni ang a, a thutlukna chu thutawp a ni ang. A hnuai a mi ang hian thuneihna a hmang thei ang:

(a) General secretary report te, audit report te leh Board meeting report te a tul dan anga pawmpuiin a thlir thin ang;

(b) Kum kalta chhunga Society hlawhtlinna leh hmasawnnate thlir letin a zir chiang thin ang;

(c) Rorelnaa Agenda chhawp chhuahte ngaihtuahin a chingfel thin ang;

(d) Board meeting thutlukna leh ruahmannate a tul dan angin a ennawn thei ang a, a tul chuan thurawn a pe thin ang;

(e) Society thiltumte tihlawhtling tura hmalakna kawngah a tul dan anga ruahmanna leh thutlukna siamtu a ni ang;

(f) Society hmasawnna tura thil thar leh tha zawk dap chhuah kawngah mawh a phur ang;

(g) Ex-officio te kaihhruaina hnuaiah Board member turte a thlang thin ang.

 

Article 10        :           Rights and Privileges of members:           

                                   Society memberte chuan heng hamthatna te hi an nei ang:

a)General Assembly member an ni nghal ang a, inthlana-ah vote an nei thei ang.

b)Society Identity Card a tul hun a piang a tan an nei thei ang.

c)Society Seminar,training leh function hrang hrang huaihawtnaah te an tel thei ang a,a tul dan ang zel a hmalatu an ni thei ang.

d)Society-in memberte tana hamthatna a siam eng kawngah pawh chanvo an nei thei ang.

 

Article 11     :             Duties of the members:

a) Society hruaitu tur te an thlang thin ang,

b) General Assembly ngai pawimawhin an tel thin ang,

c) Society hmasawnna a tana thil tulte an thlen thin ang

d) Society hmingchhiatna tur thil engmah an ti tur a ni lo a,Society dan kalh zawngin an khawsa tur a ni lo.

 

Article 12        :           Governing Body:

  • Composition: Society memberte a tangin a hnuai a mi ang hian Governing body siam a ni ang:
  1. Ex-officio member pahnih- General Director leh Director te chu Ex-officio member an ni ang.
  2. Executive Member dang4-12-General Assembly-in kum hnih danah a thlang thin ang a, term leh a mi tur thlan an nih dawnah Governing body awmsa ten mi 3 an ruat lawk thei ang. Governing body member zat tur hi a tul dan ang a zirin General Assembly-in a tilianin a tite thei ang.
  3. The Chairman– Board Meeting hmasa berah Ex-officio te kaihhruaina-in thlan thin a ni ang.
  4. The Vice Chairman– Board Meeting hmasa berah thlan thin ang;
  5. The General Secretary– Board Meeting hmasa berah thlan tur a ni ang;
  6. The Recording Secretary– Board meeting apiangin memberte a tanga ruat chawp thin tur a ni ang.
  •  Quorum:

Governing body hmun thuma thena hmun khatin meeting an nei thei ang a, chairman emaw vice-chairman chu meeting kaihruaitu a ni ang.

  • Term of Office:

Governing body memberte term chu kum hnih a tan a ni ang.

  • Conduct of Meeting:
  1. Chairman, Vice chairman leh Ex-officio te chu Governing Board Panel an ni ang;
  2. Eng thilah pawh member thu tam zawkte ngaih dan chu decision siam nana hman thin tur a ni ang;
  3. Thutlukna siam theih a nih dawn loh chuan Chairmanin a duhna lamah vote-in thutlukna a siam thei ang.
  •  Powers and Functions:

Society hmalakna hrang hrang leh inrelbawlnaah Governing body chu mawhphurtu a ni ang a, Society inkaihhruaina dan ang zelin rorelna neiin thutlukna a siam thin ang.Heng a hnuai a mi ang hian thuneihna a hmang thei ang:

  1. Society kal zel dan tur te, inrelbawlnate, sumpai chung chang leh hmalakna hrang hrang thlira ngaihtuahho tur a tam thei ang ber meeting an nei thin ang.
  2. General Assembly-a approve turin Society Audit report te leh hmalakna tur proposal te a buatsaih thin ang.
  3. Planning leh Budget te siamin General Assembly pawmpui turin Assembly ah a thlen thin ang.
  4. Thil tul zual leh hmanhmawhthlak bikah chuan General Assembly emaw Special General Assembly hriatpui ngai lovin hma a la thei ang a, report erawh G.A ah thlen leh thin tur a ni ang.
  5. Society hmsawnna tur programme leh policy te a tul angin a duang thin ang a, society dangte leh institution dangte nena thawh ho dan turte a ngaihtuah thin ang..
  6. Hna chungchangah leh thil tul dangahte state sawrkar leh central sawrkar dawrtu a ni ang a, a tul dan angin ruahmannate a siam thin ang.
  7. Sum senso chungchangah thuneihna pumhlum a nei ang a, staff te thawhhona chungchang, leave rules, salary rules leh administrative system kawng engkimah thuneitu, mawhphurtu leh kengkawhtu a ni ang.
  8. Staff selection, appointment, service rules leh ban theihna thlenga thuneitu leh mawhphurtu a ni ang.
  9. Thawktu lak tharte hlawh tur leh thawhna hmun turte, hnathawh dan kalhmang turte ruatfeltu a ni ang.
  10. Ex-officio te leh regularized officials te hlawh tur leh allowance te, an chhungkaw khawsak himdamna tur thlenga mawhphurtu a ni ang.
  11. Society thiltumte tihlawhtling tura mawhphurtu a ni ang a, society hmasawnna a tana tihtur kawng hrang hrang awmte bawhzuitu a ni ang.
  12. General Assembly leh special General Assembly neih hun tur ruattu leh neih chungchanga mawhphurtu a ni ang.
  13. General Assembly a ngaihtuah tur agenda General Secretary-in a duante thlifima endiktu a ni ang.
  14. Constitution siam that (amend) chungchanga mawhphurtu a ni ang a, tul a tih chuan zir chiang tur bik committee a din thei ang.

 

Article 13        :           Composition of the Governing Body:

a) General Director (One)- Ex-officio

b) Director (One) - Ex-officio

c) Chairman (One) - Elected

d) Vice-Chairman (One) -Elected

e) General Secretary (One) -Elected

f) Recording Secretary (One) -Appointed

g) Executive Member (Eight) -Elected

 

Article 14     :                Termination of member of Governing Body:

    Society inkaihhruaina dan Article 5 behchhan-in Governing body tupawh ban theih a ni ang.

 

Article 15     :                Restriction on holding office:

    Tu pawh dan lama hming hliauna leh hmingchhiatna nei te chuan office an luah thei lo ang a, Sawrkar hnathawk lai te chuan sawrkar thuneitu te remtihna tel lo chuan an luah thei lo bawk ang.

 

Article 16    :                 Power and Duties of the Office Bearers:

  • Chairman

a) Society Meeting a kaihruai thin ang.

b) Vote intluk a vanga thutlukna siam theih loh a nihin a vote hmangin thutlukna a siam thin ang.

c) Meeting laiin thu ngaihtuah belh tur pawimawh a awm a nih chuan a chhawp chhuak thei ang.

d) Meeting thutluknate a signature hmangin a nemnghet thin ang.

e) Society hmasawn zelna a tana thurawn petu a ni ang.

  • Vice Chairman

    Chairman awm loh chang leh chairman-in tul a tih changin chairman charge a la thin ang a, a mawhphurhna chu chairman mawhphurhna ang a ni ang.

  • General Secretary

a) Society documents pawimawh reng reng te vawng thatu a ni ang.

b) Society meeting thuchhuak te record fel takin a vawng ang a, thil bawhzui ngai te a bawhzui thin ang.

c) Society hmingin a tulna hmun a piangah thil tul leh hriattirna a thawn chhuak thin ang.

d) Society hmalakna leh program hrang hrang te a ma hminga tih chhuah thin a ni ang.

e) Meeting Agenda tur a duang thin ang.

f) Society meeting pawimawhte a huaihawt thin ang.

g) Society Headquarters leh branch dang te chet vel dan enkawlin a thlithlai thin ang.

  • Recording Secretary

a) Meeting reng reng ah General Secretary puitu a ni ang.

b) Meeting minute a record thin ang.

c) Society hminga lehkha pawimawh lut leh chhuak hriatpuitu a ni ang.

  • Director
  1. Society khaidingtu leh thuneitu lu ber a ni ang a, society chhiat leh that a mawhphurtu a ni ang.
  2.  
  3. Society hmasawnna leh kal zelna a tana plan leh strategy duanga ngaihtuahtu ber a ni ang a, Board Meeting ah approve turin a thlen thin ang.
  4.  
  5. Staff appointment, suspend leh ban chungchanga Board meeting-in a approve tawhte chunga action latu a ni ang.
  6.  
  7. General Director nen a tul angin Society sum che vel an enkawl ang a, Society Bank account joint signatory a ni ang.
  8.  
  9. A tul hun a piangah meeting a kaihruai thei ang.
  • General Director

Director nen a tul angin Society sum che vel an enkawl ang a, Society Bank account joint signatory a ni ang.

  1. Society income tur ngaihtuahtu leh plan hrang hrang te siam a sawrkar dawrtu ber a ni ang.
  2. Society chungchanga thutlukna siam ngai hmanhmawh (emergency) thil ah thutlukna a siam thei ang.
  3. Staff thunun leh zilh ngai an awm a nih chuan hmalatu leh thutawp siamtu a ni ang.
  4. Staff dang zawng zawng te enkawltu lu ber leh an hnathawh dan thlithlaitu, confidential record vawngtu a ni ang.
  5. Staff recruitment buatsaihtu a ni ang a, Board meeting ah a remruatna te a thlen thin ang.

 

Article 17             :Filling up of casual vacancies:

              Governing body hmun ruak luah khah ngai a awm a nih chuan General Assembly pawmpuina-in dah khah thin tur a ni ang. Board meeting kal tlanga emergency thil a dah khah a nih pawhin General Assembly approval lak thin tur a ni ang.

 

Article 18        :Appeals:

            Rawtna leh ngenna,sawiselna leh lungawilohna reng reng chu Governing Body hnenah thlen thin tur a ni ang a,hmalatu leh thutlukna tawp siamtu chu Governing Body Meeting a ni ang.

 

Article 19        :Election:

          General Assembly chuan Society hruaitu tur te kum hnih (2)dan ah a thlang thin ang a, society member zawng zawng te chu a thlangtu an ni thei ang. An thlan chhuah mi 4-12 te a tangin Ex-officio te kaihhruaina-in, an thlan chhuah tak te hian Governing body O.B tur an thlang ve leh thin ang. Election hi secret ballot hmanga neih thin a ni ang a, election kaihruaitu tha tih dan a nih chuan ban phar-in vote lak theih a ni ang.

 

Article 20        :            Sources of Income:

          Society income reng reng te chu Society hmasawnna a tan leh a thiltum te tihhlawhtlinna a tan chauh hman thin a ni ang. Society income hmuhna tur a beisei te chu:

  1. Membership fee .
  2. Donation leh special contributions.
  3. Society hmalakna peng hrang hrang a tanga hlep kan neih te a tangin.

 

Article 21        :           Property of the Society:

            Society property reng reng chu Governing body kut leh enkawlna hnuaiah a awm ang a, society property tih a ni reng ang. Property rules fel tak siamin, record fel tak nen enkawl thin tur a ni ang.

 

Article 22        :           Gift:  

              Society tana thil hlan leh pek a awmin a petu pek chhan leh a nihna ang tak a hman thin tur a ni ang. Kawng danga hman a nih dawn chuan a petu phalna leh Registrar farms&societies remtihna lak thin tur a ni ang.

 

Article 23        :           Financial Year:

           Society financial year chu kum tin April ni 1 a tanga a kum leh March ni 31 thleng a ni ang.

 

 Article 24        :           Audit

        Society account chu kum tin qualified auditor, chartered accountant emaw Registrar Farms and Societies in a pawm te chauhin an audit thei ang.

 

Article 25        :           Management of Funds and account operation:

        Society sum lut leh chhuak reng reng chu uluk tak leh felfai taka chhinchhiah thin tur a ni a, account fel fai tak a awm ngei ngei tur a ni. Bank account chu joint signature account a hawn tur a ni ang a, General Director leh Director te chu Bank account chungchanga authorized signatory leh mawhphurtu an ni ang.

 

Article 26        :           Inspection of accounts:

         Society member te chuan society sum chet vel dan leh account chungchanga hriat duh an neih te a tul a nih chuan an zawt thei ang a, Meeting thurel leh bawhzui dan te pawh an zawt fiah thei ang.

 

Article 27        :           Submission of annual reports:

        Mizoram Societies Registration Act, 2005 section 18 na in a phut angin kum tin Registrar farms and societies hnenah society report pek thin tur a ni ang. Governing body member list te, hmalakna kawng hrang hrang te leh account audit report kimchang te tarlan thin tur a ni ang.

 

Article 28        :           Dissolution of the Society:

         Mizoram Societies Registration Act, 2005 section 25 & 26 behchhanin a tul a nih chuan eng hunah pawh Society thiah (dessolve) theih a ni ang. Society thiah a nih chuan, society property leh assets reng reng te chu Founder director te kutah a lut ang a, Governing body meeting remruatpuina hmangin a tihral dan tur ngaihtuah thin a ni ang.

 

Article 29        :           Legal Proceedings:

        Dan anga society thubuai / hla buai kal vel chin fel ngai awm reng rengah General Director chu a mawhphurtu a ni ang a, Governing body thuneitu lu ber a nih angin a hming tumtu a ni ang.

 

Article 30        :           Ammendment:

Society dan leh dun, inkaihhruaina reng reng te hi a tul dan ang zel a ennawn leh siam danglam theih a ni ang a, General Assembly/ Meeting ah ngaihtuah thin tur a ni ang. Siam that ngai lai te chu Governing body meetingin ngaihtuahin General Assembly ah a thlen thin ang. Mizoram Societies Registration Act,2005 Section 9 hmangin dan siam that ngai te chu siam that thin tur a ni ang.

 

Article 31        :           Application of the Act:

        Mizoram Societies Registration Act, 2005 kaihhruaina leh phut ang zelin he dan hi hman a ni ang a, Mizoram Societies Registration Act, 2005 min phutna zawng zawng chu he danah hian a leng vek ang.

  

 

Heng dan te hi kan Society (Corban Society) inkaihhruaina dan dik tan a ni tih kan hriatpui e.

 

 

 

 

(RUNREMSANGI)                                                        (V. MALSAWMTLUANGA)                                                           (CHANCHINMAWIA)

General Director                                                                  Director                                                                          General Secretary

 

 

BYE-LAWS OF THE CORBAN SOCIETY

(FOR THE WORKERS AND STAFF)

 

CORBAN Society hnuaia thawk mek te leh la thawk zel tur te chuan heng a hnuai inkaihhruaina dante an zawmin an hre chiang hle tur a ni ang:

  1. CORBAN Society chu mipuite hmasawn nana din a ni a, ei leh bar kawnga mihring dinhmun siam that te, thalaite dinhmun chawisan te, miretheite dawmkante leh sualna hrang hrangin a tihbuai mek addict te leh AIDS veite tanpui chu a dah pawimawh hmasak tur a ni ang.
  2. CORBAN tih awmzia chu THIL THLAWN PEK (Gift/Sacrifice) a nih angin, mi harsa zawkte chhanchhuak tura inpek chu a tih tur ber a ni ang.
  3. Society hnuaia thawk zawng zawngte chuan kan din chhan leh din hmun hre renga mahni hlawkna um lova, mi harsa zawkte tana theihtawp chhuah tura rilru kan siam a tul ang.
  4. Thawktute chuan mahni tawhpuite zahna rilru puin theih tawp chhuahin an thawk tur a ni a, hotuten ti tura mawhphurhna min pekte pawh phunnawi lovin an thawk thin tur a ni.Lungrualna leh inunauna tha nen boruak thlamuanawm tak hnuaiah hna an thawk thin tur a ni ang.
  5. Thuneituten hlawh chungchangah leh hna sem chungchanga ruahmanna an siamte chu sawisel lova lawm taka pawm tura beisei kan ni a, tul bik leh laklawh thila extra work kan inpekte pawh tlawmngaihna rilru pua thawk zel tura beisei kan ni.
  6. Society hnuaia thawktute reng reng chuan eng hunah pawh hna thawk thei tur a rilru kan siam a tul ang. Thawhrimna leh taihmakna rilru pua midangte hmasawnna a tana luangral tur kan nihna kan hriat reng a tul ang.

 

APPENDIX – I

THE CORBAN SOCIETY SERVICE RULES

 

RULE 1           :           Short Title and Commencement:

  1. He dan hi ‘The CORBAN Society Service Rules’ tih a ni ang.
  2. He dan hi pawl din a nih a tanga hman tan nghal tur a ni ang.

 

RULE 2           :           Definitions:

  1. ‘Agency’ chu CORBAN Society sawina a ni;
  2. ‘Assembly’ chu General Assembly kum tina Society-in a neih thin a ni
  3. ‘Committee’ chu Society Board Committee saina a ni;
  4. ‘Chairman’ chu Society Board Chairman saina a ni;
  5. ‘Director’ chu Society Founder Director sawina a ni;
  6. ‘Rules’ chu CORBAN Society Service Rules sawina a ni.

 

RULE 3           :           Appointment of Workers and Staff

 

a. He mi thila ruat bik Committee chuan heng thu neihnate hi a nei ang:

  1. Thawktu tupawh a qualified a nih chuan advertisement awm kher lovin lak theihna a nei ang;
  2. Thawktute thlang turin advertisement te, written tests leh interview te a buatsaih thei ang. Thawktu lak chu tumah thlei bikna nei lova uluk taka lak tur a ni ang.

b. Director chuan thawktu tupawh mamawhna a zirin a la lawk thei ang, Board of Directors te approve turin a thlen leh thin ang;

c. Director chuan thawktu lak tharte appointment a pe ang a, thawktu lak tharte chuan office an kai ni hmasa berah Joining report a hnenah an pe ang;

c. Thawktu chu kum khat tal thawk tura aggrement ziahpui thin tur a ni ang (hei hian harsatna pawimawh tak neite a huam lovang).

 

RULE 4           :           Qualifications:

  1. Educational:
  • Hna a zira thiamna bik neite leh qualified te chauh lak thin an ni ang;
  • Hna thiam bik te leh a phute-ah chuan qualification hi ngaihnathiam theih a ni ang.
  1. Character:

Hnathawk tura lak tur chu:

  • Mi nungchang tha leh tluangtlam a ni tur a ni;
  • Criminal Case nei a ni tur a ni lo;
  • Corruption lakah mi fihlim a ni tur a ni.
  • Mi zahawm pangngai a ni tur a ni.

 

  1. Other Qualifications:
    • Hnathawktu chu a hna chan pual bikah a rilru leh a taksa a fit tawk tur a ni;
    • Pian phunga rualbanlote pawh an theihna thlirin hnaah duhsakna lantir thin tur a ni ang.

 

RULE 5           :           Age Limit:

  • Hnathawktu chu ku 18 aia naupanglo a ni tur a ni;
  • Kum upat lam bithliah-ah chuan candidate a zirin, mi fit tha leh viak tha, hna a tana pawimawh thei tur a nih chuan retired personel emaw ex-serviceman emaw pawh lak theih an ni ang.

 

RULE 6           :           Strength of the Staff:

  • Thawktu chu Society-in a mamawh belh dan ang zelin lak tur a ni ang. Branch neih tam dan a zir pawh a ni ang.
  • Society-in a mamawh dan a zirin hna tul bikahte hlawhfa ang chi lak phal a ni ang.

 

RULE 7           :           Disqualification of Worker/Staff:

Thawktu tupawh Criminal emaw Civil Case emaw a neih chuan a hna a tanga chawlhtir a ni ang.

 

RULE 8           :           Resignation/Dismissal from Service:

  1. Thawktu tupawh hun engemaw chen a thawh hnua a bang duh a nih chuan dilna fel taka ziakin a bang thei ang. A ban hma ni 15 talah thuneitute hnenah a hriattir tur a ni ang. Danin a phut anga a ban tur thu a hriattir lo a nih chuan a thawh tawp ber thla hlawh a chan ang.
  2. Thawktu tupawh a hna thawk tlak lova Board-in a ngaih chuan a ban thei ang.
  3. Thawktu tupawh an hna atanga ban tul nia Board-in a ngaih tawhte chu Director-in a thuneihna hmangin a ban nghal thei ang.

 

RULE 9           :           Working Days/Hours:

  1. Hnathawktute thawh hun chhung tur bithiah fel tak siam a ni ang a. Hna tul bik leh laklawh thilah chuan thawktu tupawh eng hun pawha hnathawk thei turin a inbuatsaih thei tur a ni.

 

RULE 10         :           Amendment:

Heng dante hi a tul hun a piangah siam that theih a ni ang. General Assembly emaw dan siam tha tura ruat bik committee ten an siam tha thei ang.

 

RULE 11         :           Clarification:

Dan chungchanga hriatthiam loh leh hriatthiam harsa inhnialna awm thei thilah chuan, dan siamtu committee thu chu thutawp a ni ang.

 

 

APPENDIX –  II 

The CORBAN Society LEAVE RULES

 

RULE 1           :           Short Title and Commencement:

He dan hi ‘The CORBAN Society Leave Rules’ tih a ni ang.

He dan hi hman nghal tur a ni ang. 

 

RULE 2           :           Definitions:               

  1. ‘Agency’ chu CORBAN Society tihna a ni.
  2. ‘General Assembly’ CORBAN Annual General Assembly.
  3. ‘Committee’ - the Board of Directors meeting.
  4. ‘Director’ - Founder Director, CORBAN Society
  5. ‘Competent Medical Authority’-Sawrkar recognized Medical doctor
  6. ‘Rules’ - CORBAN Society Leave Rules.

 

RULE 3           :           Kinds of Leave:

Society hnuaia thawktute tan Leave chi 3 a awm thei ang (i) Casual Leave (ii) Sick Leave and (iii) Leave Without Pay.

 

RULE 4           :           Casual Leave:

  1. Thawktute chuan kum khatah Casual Leave ni 15 an nei thei ang.
  2. Casual leave dilna chu Director hnenah leave lak tan duh hun ni khat aia hmaah submit thin tur a ni.
  • Casual Leave hi lak ngei ngei tura ngaih tur a ni lo.

 

RULE 5           :           Sick Leave:

  1. Sick Leave chu Doctor lehkha thil tela dil thin tur a ni ang.
  2. Natna hriat chian sa leh damlohna hriatsa-ah chuan a tul dan a zirin Doctor lehkha tel lo pawn Leave pek theih a ni ang.
  • Sick Leave la te chu:
    • (i) Thla khat chhung chuan full salary pek an ni ang;
    • (ii) Thla hnih a tangin half salary pek an ni ang;
    • (iii) Thla thum hnu lamah chuan salary pek an ni lovang.

 

RULE 6           :           Leave Without Pay:

                                    Leave Without Pay chu tiang hian pek a ni ang:

  1. Danin a phut ang a dilna pangngai nen lova thawktu a chawlhin;
  2. Medical certificate tel lo leh Rule 4&5 a sawi anga ti lova chawlh lak a nihin;
  • Thla hnih aia tam chawlh lak a nihin.

 

RULE 7           :           Amendment:

Heng dan zawng zawngte hi General Assembly-in emaw dan siam tha tura ruat bik committee ten an siam tha thei ang.

 

RULE 8           :           Clarification:

Dan chungchanga hriatthiam loh leh hriatthiam harsa inhnialna awm thei thilah chuan, dan siamtu committee thu chu thutawp a ni ang .

 

 

 

 

APPENDIX-III

 

THE CORBAN SOCIETY TRAVELLING

ALLOWANCE (TA) RULES

 

RULE 1           :           Short Title and Commencement:

  1. He dan hi ‘CORBAN Society Travelling Allowance (TA) Rules tih a ni ang.
  2. He dan hi hman nghal tur a ni ang.

RULE 2           :           Definitions:

                                   

  1. ‘Agency’ - The CORBAN Society;
  2. ‘General Assembly’ – Society Annual General Assembly
  3. ‘Committee’ -Board of Directors meeting;
  4. ‘Chairman’ - Chairman of the Board of Directors;
  5. ‘Director’-Founder Director, CORBAN Society;
  6. ‘Sanctioning Authority’ -Director of the Board of Directors
  7. ‘Rules’ - CORBAN Society Travelling Allowance (TA) Rules.

RULE 3           :           Kind of Travelling Allowances:

Society hnuaia Travelling Allowances claim theihte chu:(i)Mileage Allowance (ii)Daily Allowance.

RULE 4           :           TA on Tour:

  1. Headquarters atanga duty na hmun kal lam leh haw lam, Headquarters-a inreport ni thlengi danin a phal chinah T.A leh D.A a bill theih ang;
  2. TOUR programme reng reng Director-in a approve hmasa vek tur a ni;
  3. T.A reng reng Sanctioning Authority chauhin a pe chhuak thei ang.

 

RULE 5           :           Mileage Allowance:

  1. Thawktu chuan duty-a a kalna senso chin chiah, fare/oil consumption a bill thei ang.
  2. Tickets leh receipts tulte bill-ah thil tel thin tur a ni ang;
  3. Thawktu reng reng duty-a zin veivahin veivahna man tlawm ber hmang thin tura beisei an ni ang.

 

 

 

RULE 6           :           Daily Allowance:

A hnuai a mi ang dungzui hian Daily Allowances claim theih a ni ang:

Salaries

(in Rupees)

‘A’ Class Cities

‘B’ Class Cities

All Other Places

Ordinary

Hotel

Ordinary

Hotel

Ordinary

Hotel

(1)

(2)

(3)

(4)

(5)

(6)

(7)

30,000 & Above

Rs.500

Rs.1000

Rs.300

Rs.500

Rs.200

Rs.300

15,000-29999

Rs.300

Rs.600

Rs.200

Rs.300

Rs.100

Rs.200

8000-14999

Rs.200

Rs.400

Rs.150

Rs.200

Rs.100

Rs.150

Below 8,000

Rs.150

Rs.200

Rs.100

Rs.150

Rs.50

Rs.100

 

 

Note:-

            (i) ‘A’ Class Cities are Ahmedabad, Bangalore, Chennai,   New Delhi, Hyderabad, Kanpur, Kolkata, Mumbai and Pune;

           (ii) ‘B’ Class Cities are Coimbatore, Indore, Jaipur, Luck-now, Madurai, Nagpur, Patna and Surat;

          (iii) Daily Allowance claimed in excess of the above rate should be authenticated by Cash Receipts/Vouchers;

         (iv) Daily Allowance shall be paid to employees undergoing journey(s) of not less than 12 hours’ duration.

 

RULE 7           :           Advance TA:

  1. T.A leh duty-a chhuaha senso tul dang 80% chu advance-in a bill theih ang;
  2. Director Advanced T.A chungchang chu Chairman-in a ngaihtuah ang.

 

RULE 8           :           Amendment:

.Heng dan zawng zawngte hi General Assembly-in emaw dan siam tha tura ruat bik committee ten an siam tha thei ang.

 

RULE 9           :           Clarification:

.Dan chungchanga hriatthiam loh leh hriatthiam harsa inhnialna awm thei thilah chuan, dan siamtu committee thu chu thutawp a ni ang

 

APPENDIX-IV

CORBAN SOCIETY MOTOR VEHICLE RULES

RULE 1           :           Short Title and Commencement:

  1. He dan hi ‘CORBAN Society Motor Vehicle Rules tih a ni ang’;
  2. He dan hi hman nghal tur a ni ang.

 

RULE 2           :           Definitions:               

  1. ‘Agency’ - CORBAN Society;
  2. ‘General Assembly’- Annual General Assembly
  3. ‘Committee’ – Board of Directors Meeting
  4. ‘Competent Authority’ - Founder Director
  5. ‘Rules’ - CORBAN Society Motor Vehicle Rules.

 

RULE 3           :           Petrol, Oil and Lubricants (POL):

  1. Diesel/petrol te hi veivahna tur a zir zela sanction tur a ni anga, emergency thilah chuan Director hriatpuinain tih belh theih a ni ang.
  2. Break oil leh engine oil te chu motor a zir zelin a mamawh dan anga pek chhuah thin a ni ang;
  3. Lubricants dang reng reng pawh a motor a zirin an mamawh dan ang zela ngaihtuaha pek chhuah thin tur a ni.

 

RULE 4           :           Maintenance (When Necessary):

  1. Motor thar lei a nihin maintenance a tan a motor man chhut a tanga 5% pek chhuah thin a ni ang;
  2. Kum khat aia upa a nihin Motor maintenance a tan 10% of the vehicle value pek chhuah tan a ni ang a, motor fitness leh din hmun a zir zelin a hnu lamah maintenance a tana senso tur ruahman a ni ang.

 

RULE 5           :           Purchase of Vehicle:

Society vehicles te chu society-in profit a neih a tangte, mimal contribution leh sawrkar a tanga tanpuina dawnte a tangin lei thin a ni ang.

 

RULE 6           :           Record of Motor Vehicle:

Moter/ vehicle detail engkim record felfai taka vawn tur a ni a, engtik lai pawha en theih turin a awm tur a ni. Motor lei ni, registration leh a vahvelna, maintain a nih dan zawng zawng detail record neih vek tur a ni ang.

 

RULE 7           :           Amendment:

 Heng dan zawng zawngte hi General Assembly-in emaw dan siam tha tura ruat bik committee ten an siam tha thei ang.

 

RULE 8           :           Clarification:

Dan chungchanga hriatthiam loh leh hriatthiam harsa inhnialna awm thei thilah chuan, dan siamtu committee thu chu thutawp a ni ang

 

 

 

Place     :     Aizawl / Date     :     ………………..............

                                            

 

 

  

( V. MALSAWMTLUANGA)                                       (CHANCHINMAWIA)                                                     (RUNREMSANGI)

            Director                                                         General Secretary                                                        General Director

Member Login

Member Login

A PHP Error was encountered

Severity: Core Warning

Message: PHP Startup: Unable to load dynamic library 'mysqlnd.so' (tried: /opt/alt/php72/usr/lib64/php/modules/mysqlnd.so (/opt/alt/php72/usr/lib64/php/modules/mysqlnd.so: cannot open shared object file: No such file or directory), /opt/alt/php72/usr/lib64/php/modules/mysqlnd.so.so (/opt/alt/php72/usr/lib64/php/modules/mysqlnd.so.so: cannot open shared object file: No such file or directory))

Filename: Unknown

Line Number: 0

Backtrace: